影片
更多
2021-11-13
364 瀏覽
放假日，梗係要出去搵野食，慰勞下自己啦！咁尋日行開中上環，突然見到呢間新開嘅日式居酒屋，八掛同店員傾幾句先知，開左2、3個月左右，再睇價錢，都可接受範圍，於是就試一試佢！店入面裝修一般啦，燈光柔和，氣氛都唔錯。店員服務非常好，仲成日走黎傾下計，重點係完全熟悉餐牌，例如食物係邊黎呀、點樣食先最好呀、呢個係咩部位呀，全部都答到，仲好詳細添，值得一讚！我就叫左豬頸肉、牛舌串燒，都等左好耐，但一問之下，原來係即叫即燒，再食第一啖，嗯！值得！肉質嫩滑多汁，而且仲有淡淡嘅炭燒味！有時好怕食串燒食到啲燒到燶哂當係炭燒味個啲架嘛🙄冇理由只係食串燒架嘛，咁於是我就叫左個牛舌飯。黎到嘅時候，嗅到牛舌香味再加…燶味？咁梗係心一沉啦，唔係嘛？唔知係味我個樣問題啦，個個店員就即刻話呢個飯底佢地特別整到有少少飯焦。咁特別？一試，嗯…係脆口嘅，唔係痴牙架啵，個人覺得幾特別！牛舌雖然大舊，但一啲都唔難咬開！飲品方面，都幾多選擇，支裝生啤、啤酒、清酒、吟釀等等，不過店員有強調佢地全部嘅酒，產地都係日本。店員都推介左一款叫「八重垣 青乃無 純米大吟釀」，飲落唔會好勁，口感都幾純，幾易入口，值得一試！總括黎講，呢間居酒屋，
放假日，梗係要出去搵野食，慰勞下自己啦！咁尋日行開中上環，突然見到呢間新開嘅日式居酒屋，八掛同店員傾幾句先知，開左2、3個月左右，再睇價錢，都可接受範圍，於是就試一試佢！
店入面裝修一般啦，燈光柔和，氣氛都唔錯。
店員服務非常好，仲成日走黎傾下計，重點係完全熟悉餐牌，例如食物係邊黎呀、點樣食先最好呀、呢個係咩部位呀，全部都答到，仲好詳細添，值得一讚！
我就叫左豬頸肉、牛舌串燒，都等左好耐，但一問之下，原來係即叫即燒，再食第一啖，嗯！值得！肉質嫩滑多汁，而且仲有淡淡嘅炭燒味！有時好怕食串燒食到啲燒到燶哂當係炭燒味個啲架嘛🙄
冇理由只係食串燒架嘛，咁於是我就叫左個牛舌飯。黎到嘅時候，嗅到牛舌香味再加…燶味？咁梗係心一沉啦，唔係嘛？唔知係味我個樣問題啦，個個店員就即刻話呢個飯底佢地特別整到有少少飯焦。咁特別？一試，嗯…係脆口嘅，唔係痴牙架啵，個人覺得幾特別！牛舌雖然大舊，但一啲都唔難咬開！
飲品方面，都幾多選擇，支裝生啤、啤酒、清酒、吟釀等等，不過店員有強調佢地全部嘅酒，產地都係日本。店員都推介左一款叫「八重垣 青乃無 純米大吟釀」，飲落唔會好勁，口感都幾純，幾易入口，值得一試！
總括黎講，呢間居酒屋，值得再食！
櫻花木煙燻香辣牛舌飯
$288
19 瀏覽
0 讚好
0 留言
張貼
