長發麵家 (已搬遷) 新店位置

之前記得屋企人話呢到既魚蛋粉幾好食唔錯,當然唔係成日依邊既我,當然有興趣想去一試啦,於是今日晏就就黎左依到食喇,呢間野都唔係一D顯眼既地方,佢係係一條橫街既巷仔裹面,當然環境都會差一D,不過最緊要都係味道好,同朋友一坐底,就見到依到有支裝可樂,當然要同朋友一齊整返支啦!!睇下個餐牌, 雖然款色唔多, 都係普通魚蛋, 墨丸, 牛腩, 雲吞個類野,不過粉面就係咁上下喇,屋企人話撈麵好出名,我自己就無食到撈麵,因為鍾意食湯多D,所以就試碗魚蛋河喇,好快魚蛋河就黎到喇,一黎到,個湯已經覺得好清,應該幾正,係一個大地魚湯仲有少少蔥既,都唔錯,清到黎幾有味道,唔會水既感覺,至於河粉就比較幼身,唔會太厚,幾滑,仲有少湯既味道係裹面,幾正,最後係主角魚蛋,夠彈牙, 唔似出面整到實一實又或者粉到唔粉咁樣,佢呢個魚蛋就打得好滑身, 味道都唔錯, 不過唔會太咸,唔錯。