武士拉麵 (已結業)

路經呢間門面細細嘅拉麵店，睇佢外殻似模似樣，就入去試吓啦！先嚟個吉列蝦，粉漿唔太厚、夠香脆又新鮮，唔錯。再嚟個小丸子，呢個八爪魚丸size都真係小丸子，但都脆口同唔錯嘅。跟住到主菜嘞，先嚟個番茄湯烏冬，塊紫菜有夠大，叉燒兩塊，麵質呢就隨你喜歡自己選擇，湯底濃淡都係自選，同正宗拉麵店差不多跟住一個香蔥拉麵，有夠多蔥呀！湯底同拉麵口感、份量都唔錯。另加隻溫泉蛋，咪就係一隻半生少熟蛋囉！如果呢個價錢都算係抵食啦！哥哥仔禮貌又好好，值得再食！