影片
更多
2016-04-22
220 瀏覽
記得上兩個月黎左呢個鋪位既糖水鋪食甜品，完全係中哂伏架！點知最近黎到朋友又話要食呢間，唯有陪佢食啦，點知啲野食好左咁多，先知原來換左做小方糖囉哈哈一睇過menu，都好驚喜啊，好多種類都有，例如係芋圓啦，中式糖水都幾多，西式甜品都有拿破綸果啲，仲有好多睇完個名唔知係咩黎既得意甜品ＸＤ對於我呢啲貪心既食貨，係完全選擇困難症要發作既時間！最後就揀左最大路既心太軟同埋香蕉船試下佢個品質先～呢個心太軟大概等左１５分鐘左右就黎到，都唔算耐，一上枱已經即刻要相機食先啦！咁得意既公仔，我都唔捨得食啦係咪完全岩哂中意影野食既港女呀！講返個份量先，心太軟都係平時size，＄４Ｘ但配兩球雪糕都算係抵喇！仲要唧埋朱古力醬，比起好多地方都扺～好，講咁多即刻試試佢，一切開，無咩話流心既效果，只有少少入面未熟既感覺，應該焗多左１－２分鐘喇，而我覺得心太軟最緊要出面脆入面流心，今次就唔多做到喇，但心太軟本身既朱古力味係濃厚既～所以都拉返啲分啦！香蕉船呢啲咁典型既甜品就相對無咩咁特別啦，滿足到我呢啲雪糕怪既慾望既哈哈！見到隔離枱叫拿破綸好大份咁，下次真係要試下佢～雖然心太軟未過到我果關，但選擇都好多，會再黎試佢其他野！
一睇過menu，都好驚喜啊，好多種類都有，例如係芋圓啦，中式糖水都幾多，西式甜品都有拿破綸果啲，仲有好多睇完個名唔知係咩黎既得意甜品ＸＤ對於我呢啲貪心既食貨，係完全選擇困難症要發作既時間！最後就揀左最大路既心太軟同埋香蕉船試下佢個品質先～
呢個心太軟大概等左１５分鐘左右就黎到，都唔算耐，一上枱已經即刻要相機食先啦！咁得意既公仔，我都唔捨得食啦係咪完全岩哂中意影野食既港女呀！講返個份量先，心太軟都係平時size，＄４Ｘ但配兩球雪糕都算係抵喇！仲要唧埋朱古力醬，比起好多地方都扺～好，講咁多即刻試試佢，一切開，無咩話流心既效果，只有少少入面未熟既感覺，應該焗多左１－２分鐘喇，而我覺得心太軟最緊要出面脆入面流心，今次就唔多做到喇，但心太軟本身既朱古力味係濃厚既～所以都拉返啲分啦！
香蕉船呢啲咁典型既甜品就相對無咩咁特別啦，滿足到我呢啲雪糕怪既慾望既哈哈！見到隔離枱叫拿破綸好大份咁，下次真係要試下佢～雖然心太軟未過到我果關，但選擇都好多，會再黎試佢其他野！
題外話/補充資料：
呢到選擇好多但唔知點佢竟然無紅豆沙！！！！！
(以上食評乃用戶個人意見 , 並不代表OpenRice之觀點。)
張貼
