小豆島日本料理 (已結業)

一個人，想食拉麵，又唔想食板長，就諗起天瑞呢間小豆島日本料理。唔太餓，剩係叫左碗拉麵食，豬軟骨拉麵+凍檸茶。豬骨濃湯底夠洒味，唔理係咪味精，總之就好飲！主菜豬軟骨，醃得好入味，但軟骨唔夠林, 之前食過一次係林到好似牛筋既口感！可能一批批肉唔同。o個半隻半生熟蛋是一般烚蛋，不是糖心蛋。至於拉麵是爽口，軟硬度適中，口感唔錯。其他配菜有木耳條及蕃茄。杯凍檸茶估唔到幾好飲喎！本身叫少甜，但冇少甜叫的，店員話d茶係調定，點知飲落又幾好飲喎，唔太甜，檸檬亦好新鮮！簡單一餐$72(連加一), 都唔錯呀！