魚塘鴨子 (已結業)

入到The Pond，第一入眼係個bar，之後就係open kitchen好多隻鴨掛係度，然後就係魚塘鴨子幅畫，好吸睛。去到樓梯口，帶位姐姐好有耐性介紹魚櫃俾我知，見到咁多海鮮，就決定豪一豪食餐好嘅。上到去坐低，環境唔錯，望到外面嘅風景都幾特別幾靚。server好有禮貌亦好有耐性介紹menu，聽到流口水。最後點咗條魚，片皮鴨，帆立貝，仲有我至愛嘅小籠包等等。鮮魚湯浸條魚，又香，又濃味，仲食到魚嘅鮮味！正！片皮鴨雖然一食，但係皮脆肉嫩，正！蒜蓉粉絲蒸帆立貝，食咗先講！正！最後仲有小籠包，皮薄餡靚，有一粒係紅色添，好特別！正！到最後，叫咗2個甜品，炸雪糕，同椰皇，正到非筆墨所形容。不過埋單就無信用卡優惠，算啦，食得開心就最緊要。