影片
更多
2019-01-30
99 瀏覽
新開張嘅太元樓位處於城市花園嘅食街，嗰度近年競爭激烈，食店舖頭開完又好容易執，所以留得低嘅都有番咁上下實力，當日去到人頭湧湧，就睇下佢嘅實力係點先由於得兩個人去試，所以叫唔到太多嘢東北小雲吞 $38呢款嘢簡單得嚟做得好味，湯同雲呑都好食，上枱夠熱同份量太元鷄 半隻 $108睇個名一直估緊係鼓油定係茶燻雞之類，上到枱原來係南乳吊燒雞，味道唔錯，皮脆肉嫩，點埋個南乳汁仲特别惹味妙齡乳鴿 $28抵食之選，出便賣四五十蚊隻，賣呢個價確係益街坊。水晶生煎包 $48上枱白雪雪，食落幾鬆軟，無一般煎到咁死實，只係無咁香口啫總體嚟講位置裝修都不俗，性價比唔錯，做到番頭客，相信有機會會再帶埋屋企人嚟試下
由於得兩個人去試，所以叫唔到太多嘢
東北小雲吞 $38
呢款嘢簡單得嚟做得好味，湯同雲呑都好食，上枱夠熱同份量
太元鷄 半隻 $108
睇個名一直估緊係鼓油定係茶燻雞之類，上到枱原來係南乳吊燒雞，味道唔錯，皮脆肉嫩，點埋個南乳汁仲特别惹味
妙齡乳鴿 $28
抵食之選，出便賣四五十蚊隻，賣呢個價確係益街坊。
水晶生煎包 $48
上枱白雪雪，食落幾鬆軟，無一般煎到咁死實，只係無咁香口啫
總體嚟講位置裝修都不俗，性價比唔錯，做到番頭客，相信有機會會再帶埋屋企人嚟試下
張貼
