一風堂 (奧海城) (已結業)

返工食晏經過奧海城見到一風堂有買一送一嘅優惠，所以就去咗排隊！大概排左20分鐘之後就有得入去坐啦😃得四種拉麵有優惠，包括係白丸元味，赤丸新味，特製白丸元味同埋特製赤丸新味。我同兩位同事就點左兩個唔同款嘅特製麵。我覺得兩碗麵都好入味，尤其是係特製赤丸新味嘅黑蒜油味幾重😋豚肉都好食，但係感覺上每碗麵嘅份量都好多。但總體來說都係唔錯嘅拉麵！