御滿屋日本料理

營業中

休息中

好耐冇食放題啦，今次就黎到御滿屋試一試！去到嘅時候仲好好彩有卡位坐呀！一去到就梗係睇有咩野飲啦，竟然有Hoegaarden飲，真係不得了，幾可見到放題有得飲呢啲飲品。跟住就去排隊拎一人限攞2件嘅蛋卷啦！果度好似真係由日本師傅整嘅。一食落去，蛋係好滑架，中間仲有沙律醬同好似係蠔呀，沙律醬有一種好清新嘅感覺。整體非常好味。之後黎到放題嘅常客啦，就係刺身啦！咁就分別有三文魚，帶子同赤貝等等啦，咁每樣刺身都係好新鮮啦，帶子都幾大粒，三文魚都好大塊，加上赤貝都好爽口，值得一食！不過略嫌刺身嘅款式比較少。再黎嘅係炸物啦，炸蝦天婦羅好大隻，好好味。仲有嘅係炸蕃薯，亦都好好食。當中嘅炸物唔會話好油，炸得唔錯！仲有嘅係特色嘅壽司啦！其中我覺得最好食嘅係黑松露芒果三文魚壽司。唔知點解黑松露同芒果嘅配搭係出奇地夾，非常好味！而呢個壽司都係餐廳所推介嘅，果然冇推介錯到！最後我仲追加多一客添！去到最後就到甜品環節啦，有得食movenpick係好開心，因為呢款雪糕都係好好食嘅！呢間放題有啲唔同嘅地方就係壽司比較出色，同埋飲品同甜品都比較多款嘅。