壽司郎 (啟田商場)

營業中

休息中

平時去壽司郎都係堂食嘅多。今日趕住返屋企就一於試下佢嘅外賣。一直都有聽講佢嘅外賣比堂食係差啲。所以有心理準備係會冇咁好食。今日外賣咗佢嘅新外賣set三貫盛。一盒有15件都係120幾蚊左右。低唔低食就見仁見智啦。呢15件壽司只係得蝦重覆咗，其他都係唔同嘅，有齊三文魚，吞拿魚蓉，帶子，蝦，赤貝，魷魚，北寄貝，款式都算多。食咗件三文魚覺得佢係有少少厚切，啖啖肉好正，三文魚蓉都好細滑冇腥味，真係比我期待嘅好，又冇傳聞講得咁差，所以真係冇期望就冇失望。如果下次趕時間都可以再encore呢一set外賣。