王朝潮盛館 (已結業)

朋友帶我黎呢間潮州菜，都幾好食，份量都幾多，叫幾樣野share食，可以試多d唔同嘅野。鵝件三拼盤叫咗鵝件，墨魚同鵝腎，份量都幾多，都幾大碟，每樣滷水都滷得好入味，鵝件好淋好嫩滑，墨魚好新鮮，口感爽脆，而鵝腎唔會好硬，好爽口，同埋好入味。蠔餅炸得好鬆脆，但又會太油，而d蠔仔勁肥美，都幾大隻，都好鮮甜。椒鹽鮮魷炸到外皮好脆卜卜，d椒鹽味好特出，幾惹味，鮮魷食得出都好新鮮。水煮牛估唔到潮州菜館都有水煮牛，所以叫黎試吓，估唔到又幾正宗，辣度啱啱好，牛肉份量都幾多，牛肉食落都嫩滑，仲有薯粉同其他配菜，食到停唔到口。