天然齋 (已結業)

好多年前食過貴德宮，今次係第二次試私房素宴。一共有八道菜。第一道菜係牛油果伴沙律，味道可以但牛油果醬比較凍左D。第二道係姫松茸湯，好清甜。第三道招牌菜叉燒包，真係好好味。第四道係菇餅伴紅菜頭汁，其實剩個餅都好味，有D似蝦膠，可能個汁係要畫個嘴吧。第五道係素翅炒蛋白，似賽磅蟹，唔錯。第六道是猴頭菇，平時好少食，想不到都唔錯。有少少似鮑魚質感。第七道是心形炒飯，炒得乾身同香，不過有D辣。第八道是腰果露，幾香但有D甜。其實食完四道已開始飽，都算抵食。另服務貼心，見壺茶開始凍就幫我地換壺熱，還幫我地換過杯。