蔡瀾越南粉 (已結業)

中環開咗一間新嘅越南嘢，有新鋪最好就係等佢熱潮過咗先，或者搵個肯排隊嘅朋友。今日就去排咗幾個字先有得食嘅『蔡瀾越南粉』，睇下食神家持有咩吸引力。呢碗好似係真寶定唔知乜嘢牛肉粉，基本上將所有牛嘅部位都擺咗落去。生牛肉，牛展，牛腩，牛筋，牛柏業，牛丸都有。湯底清得嚟有油香，唔錯。河粉都幾滑。越式法包就爭啲，因為餡料主要係嗰劈紅色嘅肉醬同菜，無越南嗰啲雞肝，扎肉，燒肉等。柚子沙律，不過不失。越式春卷夠熱，餡料幾香。