叉燒丼家

營業中

休息中

今晚同老友去左隔離世錦打檯波，打完後本來諗住喺世錦求其食就算，但朋友建議都係出返去搵嘢食，出到門口，見到呢間就喺正隔離，果時夜晚9點左右，見到入面無乜人，以為收左工，入到去，員工都好有禮貌招呼入座，不過應該距離打烊時間不遠了，因為餐牌好多嘢都已收左爐，最後叫左個咖喱叉燒飯，黎到賣相唔錯，估唔到一間好似茶餐廳嘅食店，出到黎賣相一啲都唔失禮，先講個叉燒，雖然唔係上等貨，但食落唔會鞋，至於個咖喱係紅咖喱，味道有少少辣，但好好味，連埋餐飲都係$57/餐，抵！