漢龍雞煲烤魚

營業中

休息中

天氣又凍返梗係想打邊爐啦，喺OpenRice見到呢間雞煲嘅椰子雞好似好正所以就嚟幫襯，過返個暖笠笠嘅聖誕。先上湯底，然後將個新鮮椰青倒落個湯底度，雞係另外上嘅，個湯底滾起就落雞。冚蓋滾5分鐘左右就可以食得。先飲椰子雞湯後食雞，個椰子雞湯都幾清潤。食完雞之後就加湯打邊爐，叫咗韭菜餃、鮮淮山同埋蘿蔔片，韭菜餃非常好食，啲韭菜好新鮮，鮮淮山同埋蘿蔔片都白雪雪，另外仲叫咗芋頭片。佢呢度有隻少啲見嘅隻德國麥啤幾好飲。