ZAN CHEE (新城市廣場一期) (已結業)

夜晚要搵野食，我哋上openrice搵到呢間小店，佢只做外賣嘅，見到佢有唔少韓式小菜，飯捲，便當等等，就一於去買個便當嚟試下。我哋叫左個烤牛肉便當($75)，等左一陣就有得拎。返到酒店開嚟睇都好熱辣辣，有四個小菜，兩件炸雞，一份烤牛肉(可以揀豬，雞等等)同一盒好大份量嘅健康米飯。個份量好足，小菜尤其係泡菜好辣，好似仲話啲小菜係自家製嘅，而個蛋，魚仔同菜都好開胃，主菜肉同兩件炸雞都好juicy，送飯一流，個飯就大份到一個人食唔晒，有機會可以一試！