會所1號 科學園 (已結業)

今日適逢朋友嘅婚宴嚟到科學園呢間會所一號，首先位置方面如果喺大學站搭巴士過去都只係5分鐘左右嘅路程。都算係方便。至於環境方面，餐廳位置附近都算清幽，而且場景都10分大。今日試咗唔同嘅中菜菜式，當中包括乳豬，西蘭花蝦，魚，魚翅。等等。乳豬較為肥，同埋上菜嘅時候已經有少少凍。而西蘭花蝦就相當出色，蝦又新鮮又大隻。而嗰條魚係一條東星班，所以魚肉質感都幾滑。但係魚翅就相對較淡而無味需要落多啲醋去調味。去到最尾當然仲有炒飯炒麵等等同埋炸雞。但炸雞味道較為粗糙。炒飯同炒麵就相當普通。但整體比我嘅感覺都係唔錯。