Cafe Polanka

營業中

休息中

呢晚入左黎大埔同個朋友食飯啦，唔知點解唔知食乜好。最後既選擇就黎左呢度啦，我記得呢間既裝修唔係咁架。而家個局係好睇好多，坐又坐得算幾舒服既。唔知野食得唔得啦…我叫左個牛扒餐。西湯又唔錯呀，我飲到小小辣椒仔既味道。而個湯除左有菜之餘，仲有小小牛肉架。又整得幾好飲呀。餐包講真個包只係微暖，唔係太熱。我只係覺得個牛油幾好食，同個餐包既味道幾夾。黑椒牛扒牛扒既肉質鮮嫩，好有肉味。唔可以話好juicy，但一定唔會韌到咬唔開。而伴菜就係好普通既菜，如果可以用蒜蓉炒一炒就好啦。而薯菜又係我鍾意既扭紋薯條，好味道呀。凍奶茶算幾大杯既，好夠茶味。呢間都算唔錯，不過我都係想食鐵板餐。但個價格太貴啦，下次先黎食啦。