越北牛肉粉專門店 (已結業)

打完波嚟到西環，又諗唔到食咩之下，行過見到依間越南嘢新開，就二話不說一行7人入左去試😎可能新開既關係，夜晚8點幾9點嚟到都仲要等左15-20分鐘左右先有位我同另一朋友就嗌左一個二人餐($268)，揀左牛油蒜蓉雞翼、牛油軟殼蟹、生牛肉河粉、扎肉河粉嘢飲方面就加左$18有忌廉柚子沙冰、再加$28嗌左個原個西瓜冰依個二人餐就總共$314生牛肉河粉，湯底有好多唔同香料既味道，牛肉質素一般般🤔扎肉河粉，湯底同生牛肉河粉一樣。對我嚟講，香料味太重🙁反而扎肉就唔錯，入面有啲爽口既粒粒，口感豐富左牛油蒜蓉雞翼牛油味好濃郁，入口好香牛油味因為我唔係好鐘意蒜蓉味，依個既蒜蓉味對我嚟講恰到好處，有蒜既香味得嚟，味道唔會太濃烈牛油味蓋過左少少蒜味，所以我覺得幾好味食完雞翼，再嚟牛油軟殼蟹相比之下，軟殼蟹就比較失色食落好油，牛油味無雞翼咁重，味道偏淡🙁忌廉柚子沙冰，柚子清甜，配埋汽水更加解渴原個西瓜冰既份量都唔少，而且西瓜都好甜另外，仲有朋友嗌既飯：蕃茄牛腩飯同咖喱牛腩飯。對於打完波既男仔嚟講，份量未免太少😂只見佢地三扒兩撥就已經食完個飯😂😂😂最後埋單：飯既價錢都係五十幾六十幾左右，以佢既裝潢、擺設、坐位既舒適