新巴黎越南餐廳 (已結業)

今日去左銅鑼灣食飯，但又唔想食得咁貴，所以上左金百利嘅新巴黎度食，坦白講，雖然呢間野都食左幾次，但每次都係叫唔同野食，而今日就食左烤牛肉河粉真心覺得呢間野效率超高，坐低叫完無耐就到 <3講返啲烤牛肉先，啲牛肉入口即融，配上岩岩烤好果個香味，簡直係極品，仲要成碗po滿哂，真係可以食到飽，加上啲河粉煮得唔稔，唔似出面有啲煮到好似食面粉咁，成碗野我好快就食完，仲要份量夠多，所以夠飽除此之外仲叫左杯椰汁珍多冰，不過杯野比起碗粉就有啲失色，因為除左啲椰汁夠好飲，成杯野嘅味都唔係好夾，可能飲椰汁三色冰會好好多