潮成園

營業中

休息中

雲吞麵向來都係我既飛佛，今日試下黎間，成日都會經過，又成日都冇試過既一間舊式粉麵店，裝修一般，冇咩值得簡介，但坐位由於加左阻隔膠板，疫情期間略為有啲啲迫，我見到佢自稱為牛丸大王，而我又想食雲吞，所以我今日豪邁啲啲叫左個雙批拼，雲吞牛丸麵。湯同麵都正路，唔搶喉同冇鹼水味，生麵軟得來都彈牙，合格，牛丸，係彈牙既，咬開時重有肉汁，中上評審，有肉味，唔so，而雲吞，係有蝦仔既，皮又唔會話好淋好散，大細適中，一入口淋滑雲吞皮好似條金魚仔咁滑入口，咬開後蝦同肉咪外流，絕對冇伏，正正路路。