八王子拉麵館 (已搬遷) 新店位置

今日黎左依到,朋友話有DISCOUNT,所以帶埋我黎食,我就叫左依個八王子拉麵,其實唔知咩黎嫁,不過見佢用鋪名,應該唔會太差既,,試試佢個湯,係一個牛骨湯底,不過味道唔算太濃,但睇落都幾油下嫁,配料就有洋蔥粒、大蔥圈、海帶、鳴門卷仲有半隻溏心蛋、芽菜,都算足料,餸就係豬頸肉咁,燒左之後食落幾好,林林地唔錯嫁,相反個拉麵做得好好,夠哂好彈牙,好爽口,之後就一個自家豚組麵係豬骨湯底,味道比牛骨湯底濃D,不過無咁油油,餸係一粒粒既叉燒, 叉燒外面有D黑椒碎,變左有少少辣,個肉又夠爽口,幾開胃嫁,雖然睇落好瘦, 但唔會太un,仲要有好多粒,幾正嫁都。之後就有食多個奶凍,食落唔算太重同太濃既牛奶味, 反而有一陣牛奶既香味,食落都幾算滑,唔錯,唔會太膩,幾好。