Twelve Cupcakes (已搬遷) 新店位置

無去過美國，無食過紅絲絨蛋糕起源地既正宗蛋糕，唔知人地當地口感，味道係點，所以我唔可以落評語話呢間既紅絲絨蛋糕正唔正宗。但唯一可以確定既就係佢賣相正宗，因為夠紅夠可愛呀嘛（廢話！）本人唔好cup cake,但對紅絲絨係有啲情意結，一年前係網上面見到呢個紅當當既蛋糕，真係當堂發晒狂！試過自己上網搵食譜整，但從來都無試過係街食，今次終於忍唔住喇.一啖咬落去，個cream cheese frosting 好滑好滑，好濃cream cheese 味，我好鍾意呀！再食下個蛋糕底，好moist 好鬆軟，個texture 好正！味道方面細心留意係食到少少朱古力味，甜度可接受。