理想點 (已結業)

兩個人叫左一碟雞扎、一碟金錢肚、一碟魚香茄子米，加埋茶位(好似係8蚊)，呢餐每人食左50幾蚊。地方唔算大，但都幾乾淨，坐得都算舒服。食物方面，每碟野都即叫即蒸，熱辣辣，食點心當然要夠熱先好食。雞扎有大大塊魚肚，夠腍又吸囇d汁，好好味！金錢肚好入味，但份量唔多，得四五小塊，下面都係白蘿蔔。魚香茄子米係好香好惹味，但太多油，米粉又好碎。價錢算係中上，唔算好平。其實只要唔開茶，就唔使收茶錢，可以只叫點心，呢樣嘢幾好。感覺呢間的食物都算唔差，特別係點心，有機會可以再試下其他點心！