和味館 (已結業)

想表達下，雖然呢間野係open rice評分極低，但係每間餐館都會有啲野好，有啲野差，例如，你係佢最多人最冧檔既時候要求多多，咁就梗係唔得啦。旺角人多，宜食早。所以呢間野最好食既時候是六時入席，環境清靜，上菜快，服務唔錯，不過到八點時候人多就掙啲，不過可以理解，因為要服務好多張細枱。又例如，每間餐館既廚師都會有長處有短處，好似你叫串燒同炸物，佢用平料，手門又唔好，勁唔掂。但係炒野同越泰食物，佢又OK，好顯呢個師傅係小炒王啦。刺身黎講唔可以話好好，但係百零蚊，旺角地段有呢個水平算唔錯。三文魚是普通貨色，如任食明將，吞拿魚色水唔夠，可叫可唔叫。章紅、立魚、北寄貝、馬刀貝好正，我見有人嫌佢細件，你咪叫多幾客囉…又唔係唔俾你食…我既心得是觀察一下呢間鋪頭既長短處，避重就輕。專揀啲勁野黎食，咁咪GOOD囉，自己又唔會勞氣。二人包加一：$334抵啦。