池記 (已結業)

雖然經過好多次，都未入過去，因為成日好多人，今次見入面好多吉位就試一試。一入去，服務員好好招呼，笑容可掬，我覺得呢樣要讚。坐埋位後，服務員首先幫我斟茶，d茶幾好飲，唔同一般茶餐廳0既「茶水」，於是我決定唔叫野飲，拎起餐牌，見到一碗麵都廿幾卅蚊，不如叫個餐又有甜品一舉兩得，叫左雲吞麵+紅白(即係豆腐花+西米露+紅豆沙)=$42。先黎麵，雲吞0係麵底，有4粒，真係只有蝦，唔似一般粉麵店會加埋豬肉，蝦肉幾彈牙，雲吞皮唔太淋又冇散哂，口感幾好，麵竟然冇乜梘水味，又爽口。雖然食完個麵，都等左超過5分鐘都未有人黎執碗又未上紅白，剛好飲完杯茶叫人加茶，幫我加茶0既阿姐先識向廚房叫人上甜品，但始終都係冇執我個碗囉~終於紅白上檯，攪一攪，發覺豆腐花只有面0既薄薄一層(3mm左右厚吧)，西米唔多，紅豆沙為主，豆腐花其實幾滑，西米就太淋，紅豆沙對我黎講太甜，朋友就話0岩0岩好，可能我食得比較清淡啦~最後埋單時，收銀嬸嬸笑住咁話：「下次再黎試其他野丫~」聽到幾warm架﹗