隆姐泰國美食館

營業中

休息中

有fd食開呢間泰國野，今次就叫埋我地過黎試。我覺得最正係個咖喱包，首先佢好大個，而我地想食戈陣又可以用剪刀(佢會提供)將個包剪細件黎食，食之餘又有樂趣。而個包裹面ge汁亦都好香濃，好有味，唔係死辣，用呢個汁黎送飯都幾惹味，同埋個汁亦都有唔少雞肉係裹面，都幾滑。佢有個海鮮冷盤我覺得就麻麻地，海鮮份量唔算多，同埋辣咗少少。不過個魷魚幾彈牙，都OK。個水煮菜都OK，佢有些少辣味，唔係死辣好惹味，用黎送飯都係唔錯。至於個沙嗲雞肉串燒，個沙嗲汁唔錯，少少辣又好香，不過雞肉就冇想像中咁滑，榎咗D。最後佢重有甜品送，芒果椰汁西米露，食飯有甜品送我覺得幾好，而且重要有芒果肉。