大兄冰室 (已結業)

荃灣其實真係一個幾好嘅地方，交通方便又多美食。今日係荃灣做完公事決左食埋個午餐先返屋企。係巴士站附近見到呢間大兄冰室。望過menu好似都幾吸引。午餐仲有沙律送添。黑松露卡邦尼野菌脆煙肉忌廉意粉：雖然我完全食唔到有黑松露嘅味道，但個意粉嘅味道都唔錯。最搞笑嘅係意粉上面有個蒜蓉包。沙律就正正常常。無咩特別。炭燒咖啡：呢杯咖啡不得不讚。除左香濃嘅咖啡味道之外。奶味勁濃郁。好啱我口味。最後要提一提嘅係餐廳衛生唔錯。餐具亦都係一份份包好。係而家呢個時勢之下對食客都係一份保障。