影片
更多
2009-12-28
7 瀏覽
是日行完Langham Place又突然想食日本菜，想起OR上都幾多人推薦峰壽司，咁就佢啦！立即同男友前往創興廣場，途中見到北海道活壽司搞緊promo，買兩件就送多件壽司，有優惠當然比較多人排隊啦，滿席 但我平時喺OR做足功課，又點會咁容易上當，其他食友都話北海道活壽司唔多新鮮，服務又黑面，都係唔好搞啦THEN我哋去到峰壽司，都唔算多人，有回轉位置，同卡座位俾我哋揀，本身想坐卡座位，但男友話想坐回轉位，咁好啦！ 回轉位唔多舒服，比較逼，間隔好埋，如果private talk肯定聽到囖，下次都係揀翻卡座位好D！三文魚sushi：唔錯，好新鮮，食得出魚嘅新鮮同本身嘅甜味，加埋上面嘅蔥花，係誠意之作！值得再Encore多份！峰鰻sushi： 呢款sushi完全值俾笑面啦，因為真係好正，必order之選啊！鰻魚燒得啱啱好，上臺嘅時候件鰻魚仲係暖暖ga，舊鰻魚大到完全遮住咗舊飯糰，WOWTuna sashimi： 幾新鮮ar，絕對唔係雪藏貨仔，見到隔離order咗帶子刺身，都唔錯咁樣，下次都要試下帶子，因為都好新鮮喔！玉子sushi：不過不失，有D甜味，但食落口好滿足嘅感覺！甜蝦sus
立即同男友前往創興廣場，途中見到北海道活壽司搞緊promo，買兩件就送多件壽司，有優惠當然比較多人排隊啦，滿席 但我平時喺OR做足功課，又點會咁容易上當，其他食友都話北海道活壽司唔多新鮮，服務又黑面，都係唔好搞啦
THEN我哋去到峰壽司，都唔算多人，有回轉位置，同卡座位俾我哋揀，本身想坐卡座位，但男友話想坐回轉位，咁好啦！ 回轉位唔多舒服，比較逼，間隔好埋，如果private talk肯定聽到囖，下次都係揀翻卡座位好D！
三文魚sushi：唔錯，好新鮮，食得出魚嘅新鮮同本身嘅甜味，加埋上面嘅蔥花，係誠意之作！值得再Encore多份！
峰鰻sushi： 呢款sushi完全值俾笑面啦，因為真係好正，必order之選啊！鰻魚燒得啱啱好，上臺嘅時候件鰻魚仲係暖暖ga，舊鰻魚大到完全遮住咗舊飯糰，WOW
Tuna sashimi： 幾新鮮ar，絕對唔係雪藏貨仔，見到隔離order咗帶子刺身，都唔錯咁樣，下次都要試下帶子，因為都好新鮮喔！
玉子sushi：不過不失，有D甜味，但食落口好滿足嘅感覺！
甜蝦sushi：藍色嘅魚子喺上面，塊蝦晶瑩剔透咁，就肉眼睇就知係新鮮貨啦！
北極貝sushi：不過不失，北極貝件頭唔係好大，但味道都係鮮甜嘅。
鹽·海螺sushi：好爽嘅海螺sushi，口感脆脆咁，加埋少少海鹽，帶出本身嘅海水味咁，有D咸咸，但又OK喔味道。
三文魚子吞拿魚卷物： 幾好食，我通常都會一粒粒咁食上面嗰D三文魚子先，等到靜翻2粒左右先夾起身一齊食，原本以為飯入面冇咩味，點知有好香嘅香料喔 驚喜之作！
進食期間有D小插曲，就係嚟咗客吞拿魚小卷，D吞拿魚顏色好怪，我立即叫個侍應過嚟啦，就要求退換一份吞拿魚刺身算數，個經理過嚟立即問咩事，跟住知道情況之後，都好好態度話可以換俾我，最後個師傅仲雙手捧上嚟俾我， service唔錯！
客人出出入入都會講歡迎同下次再嚟，唔會出現黑面，唔錯！ 下次仲會再去！峰壽司加油！
張貼
