茶屋町 (長沙灣道) (已結業)

平時行過呢條街都太快太急，好少留意到呢個門口， 今日漫步行，反而見到有間小店喺呢條熱鬧嘅街道上，有緣分一試。裏面嘅裝修都幾特別喎，好似車廂咁樣，仲有宮崎駿卡通嘅裝飾，幾有趣呀。明太子雞翼， 有驚喜喎，我開頭以為係炸雞翼配明太子醬汁，原來係去骨雞翼包住明太子餡料，飽滿又豐富。小食燒鰻魚，唔推介，上枱時， 魚係涷嘅，醬汁又涷且偏杰，魚肉又多骨偏硬，唔好食。期間限定蟹膏三文魚籽丼， 大大份，材料足。蟹膏鮮味但唔腥， 蟹肉少少鹹， 三文魚籽精瑩通透， 可是米飯唔似日本珍珠米，要扣少少分。