海港酒家

營業中

休息中

之前去朋友屋企玩，夜晚就一齊去咗附近嘅「海港酒家」食晚飯。呢間酒家個門面超威水，招牌大大個，好搶眼。入面環境好闊落，燈光柔和，坐得好舒服。片皮鴨有待改善，鴨肉口感幾嫩，味道都唔錯，但塊餅皮好多都黐埋一齊，想拎嚟包片皮鴨食，搞咗好耐先分開，搞到有啲手忙腳亂。而炸魷魚同龍蝦伊麵都唔錯。炸魷魚炸到金黃酥脆，入面嘅魷魚肉好彈牙，上面嘅炸蒜碎幾香，再蘸埋個酸甜醬料，會令人食完又想再食。而龍蝦伊麵，一上枱香氣撲鼻。大大隻嘅龍蝦鋪喺伊麵上，龍蝦肉鮮甜彈牙，好有嚼勁。濃郁嘅芝士醬裹住Q彈嘅伊麵，每啖都充滿奶香同海鮮香，好食！總嘅嚟講，呢餐都唔錯，希望下次片皮鴨可以再做好啲！