叉燒丼家

營業中

休息中

近排成日出入新蒲崗 ，見到好多人都介紹話呢間叉燒好食 ，我就想試下呢度除咗叉燒之外仲有啲咩係好食嘅。我見到佢門面同裝修都好新淨，門口仲貼住咗有鐵板餐嘅餐牌，非常吸引，所以我就嗌咗呢度個鐵板餐試下。鐵板餐嘅種類嚟講呢度都算多款式，價錢亦都好相宜，六十零七十蚊就食咗一個餐。🍖 黑椒牛扒鐵板餐呢個鐵板餐嘅份量都算大份。雖然唔係啲乜嘢靚牛扒，但當上枱睇住淋汁嘅時候發出嘅吱吱聲真係好自癒。 呢度特別嘅係佢會喺牛扒上面加一塊小小嘅牛油，令到食落去嘅牛扒juicy啲，但係兩塊牛扒都有少少根位。其他配菜好似薯條，粟米，蕃茄都不過不失啦。至於呢個餐嘅羅宋湯都係正正常常，同埋佢個餐包都幾大個，所以成個餐嚟講都算抵食。