夢の丼 (已結業)

好耐都冇獎勵過自己啦😌難得出咗花紅，頭獎勵吓自己啦。朋友話呢度啲刺身飯好好食，我叫咗兩個：一個係吞拿魚配拖羅、另一個係右口魚配帶子。第一個反應係，原來呢個世界真係有右口魚😂上網查返資料，先知道右口魚係日本獨有，口感唔會話好肥膩，配埋紫蘇葉，有種清新嘅感覺。另一款拖羅就似返平時食嘅丼飯，油花十足，啖啖係精華，真係好攞命，你叫人哋點樣食返出邊嗰啲普通壽司姐🤣🤣仲叫咗燒雞翼，師傅功力喺呢度一清二楚，外皮金黃香脆，內裏Juice多汁，多一分新焦，減一分就唔熟！兩個字總結：出色！叫咗個火鍋，湯頭味道比較淡，咁樣就食得出食料到底新唔新鮮，睇嚟餐廳對自己嘅食物都好有自信，當然結果都說服左我，每一樣嘢入口都知道係好嘅👍🏼👍🏼尤其是係啲蔬菜，好甜！總括嚟講，係一間味道賣相都好唔錯嘅餐廳！