238 Restaurant (已結業)

今次嚟到上環一間個鋪頭名得數目字嘅餐廳鋪頭名叫238，係一對荷蘭夫婦開嘅。咁呢間餐廳度serve好多唔同種類嘅食物咁有牛扒，魚，青口，雞等等。佢哋閒日中午會有啲set lunch offer，會有starter，main dish同dessert or drink咁啦。咁今次呢小弟我就唔食得牛，咁set lunch offer又唔係好啱我食，所以就做左個新嘗試。試左呢個叫Chicken piri piri thigh。嘩！一黎到，第一個感覺就係”呢個唔係鳳爪黎架咩”？因為都真係幾特別佢用返平時飲茶用嘅蒸籠去裝住啲雞肉。咁食落口，唔好睇佢咁多紅辣椒但其實唔辣嘅，所以就啱晒啲唔食得辣嘅朋友。佢啲雞肉結實彈牙可能係因為用咗free range雞，所以比一般雞肉好食。味道方面，本身d味道都好match，不過如果醬汁可以淡少少，個雞肉味道會更加出，更加好食。整體黎講，呢個dish都相當唔錯，係真係值得一試。