Mee...lemongrass (已結業)

東港城開咗間新嘅星馬餐廳，心急試新嘢嘅(我們)一到食晏時間就好似學生咁趕住走，食晏時間排咗一陣就有位喇。餐廳裝修比人一種有活力嘅感覺但座位有啲密，職員有笑容有禮貌，部份餐具係懷舊嘅公雞碗碟。食物方面質素唔錯，午巿套餐A有沙律，有主菜，有甜品，有飲品，套餐B仲有埋湯添，價錢亦唔貴。招牌無骨海南雞飯，海南雞又滑又嫩，飯有淡淡嘅香，配菜嘅花生亦好脆口，菜心亦唔老，好味。檳城炒貴刁，粉嘅份量夠但配料就係得右下細圖咁小，味道唔錯。 軟殼蟹撈檬粉，大大隻軟殼蟹擺喺中間，賣相唔錯，醬汁自己加，味道可以，但軟殼蟹唔脆。Mee...喇沙，個湯好香，裏面有兩種唔同嘅粉麵，連唔食得辣嘅我都食到。套餐甜品。加$26有一客香芒椰汁糯米飯，好細心咁分開四件，避免咗一齊享用時分開嘅麻煩。另外仲有一小杯椰汁，唔夠可以按自己口味添加。泰國豆奶紫米冰，煙韌嘅紫米配香濃豆奶感覺好健康。Mee...“魔法梳打”加咗檸檬汁後會變色。龍眼冰幾清甜。