鼎泰酸菜魚

營業中

休息中

今日去咗灣仔，見到呢度開咗一間新嘅酸菜魚專門店，好多人排隊，見到lunch set大概$60包埋嘢飲，價錢經濟實惠，決定一戰！我叫咗個招牌菜，鼎泰老壇酸菜魚（價錢$62）開頭擔心會好辣，所以同侍應講要最少嘅辣，食落一啲都唔辣，所以唔食得辣嘅朋友都可以試吓！我仲揀咗配紅薯粉，（另一個碗上），反而紅薯粉就有啲辣。我覺得魚肉味道鮮甜，吸收左酸辣湯底，更加能夠突顯到魚嘅鮮味，但係就好多骨，要小心啲。平日午餐時段比較多人，可以用Gulu排隊攞位。