影片
更多
2016-11-20
397 瀏覽
經朋友介紹，今晚去到觀塘既La. Tomokuo Japanese & Western Cusine晚餐。 餐廳位處「中海日升中心」，呢度係全新既商廈，仲有好多餐廳等待進駐，相信稍後個場會更旺。La. Tomokuo餐廳細細，主打西日菜式，究竟好無食呢？ Tour Teaux Crab ($368)晚餐有好多海鮮選擇，我地呢個巨型海鮮盤，包含左三款生蠔、帶子刺身、鮮蝦刺身等等，而我最想講既，係圖中既太子蟹。 太子蟹來自法國，佢同麵包蟹一樣，蟹蓋同蟹身都充滿蟹膏，但膏身比麵包蟹更軟更creamy；蟹肉多而鮮甜，點埋醋食更能提味，好好食。所以話，與其食又貴又毒既大閘蟹，不如食來路膏蟹更健康兼划算。 Rose Shrimp ($78) + Seawhelk ($78)玫瑰蝦細細隻，每隻都黏住好多蝦春，蝦肉鮮甜，蝦春鹹香，一隻蝦兩種口感。翡翠螺爽口味美，點埋檸檬汁或海鮮汁食，更開胃醒神。 Caesar Salad w Roasted Chicken ($106)沙律菜爽脆清新，烤雞用燒汁烤過，甜甜既味道再加上輕微焦香，輕怡得黎又飽肚。 Beef Ball ($98)牛肉球外層炸到脆卜卜，入
餐廳位處「中海日升中心」，呢度係全新既商廈，仲有好多餐廳等待進駐，相信稍後個場會更旺。La. Tomokuo餐廳細細，主打西日菜式，究竟好無食呢？
Tour Teaux Crab ($368)晚餐有好多海鮮選擇，我地呢個巨型海鮮盤，包含左三款生蠔、帶子刺身、鮮蝦刺身等等，而我最想講既，係圖中既太子蟹。
太子蟹來自法國，佢同麵包蟹一樣，蟹蓋同蟹身都充滿蟹膏，但膏身比麵包蟹更軟更creamy；蟹肉多而鮮甜，點埋醋食更能提味，好好食。所以話，與其食又貴又毒既大閘蟹，不如食來路膏蟹更健康兼划算。
Rose Shrimp ($78) + Seawhelk ($78)玫瑰蝦細細隻，每隻都黏住好多蝦春，蝦肉鮮甜，蝦春鹹香，一隻蝦兩種口感。翡翠螺爽口味美，點埋檸檬汁或海鮮汁食，更開胃醒神。
Caesar Salad w Roasted Chicken ($106)沙律菜爽脆清新，烤雞用燒汁烤過，甜甜既味道再加上輕微焦香，輕怡得黎又飽肚。
Beef Ball ($98)牛肉球外層炸到脆卜卜，入面係肉碎同芝士，好香口，唔覺意就會食大兩球！
Black Truffle Penne ($208)一片片既黑松露，真材實料，味道香噴噴，鋪響忌廉長通粉上，簡單而美味。
日式串燒話明係西日餐廳，又點可以唔試下呢度既日式串燒？最好食係牛舌，勁厚切，夠腍身；鰻魚都唔錯，燒得香，啖啖肉，同樣必食。
Rib Eye 16oz ($388)最後再黎多個肉眼扒，面頭煎得微焦，肉眼扒有肉香，肉腍無渣，飽肚之選！
張貼
