深井陳記燒鵝茶餐廳 (已結業)

臨到食晏之際，老闆突然話佢飯後要開會，叫我地幫手買飯俾佢，最緊要快。仲話請埋我地食Lunch，佢萬歲喎~ 最快就梗係食燒味啦，於是去左深井陳記燒鵝。雖然呢度出名燒鵝，但自己對燒鵝，燒肉都比較一般，於是叫左叉燒。蜜汁叉燒煎蛋飯 $54 + 凍檬茶 $10叉燒有9塊，雖然有啲都好細件，但都算厚切。叉燒燒得好淋，邊邊有微微焦香同甜甜嘅蜜汁味。煎蛋啱啱好，蛋黃做到未熟。唯一決點係個飯無汁，自己本身偏愛有汁飯，唯有篤穿個蛋黃撈飯。