和牛燒肉一郎 (新都城中心二期) (已結業)

行過見到燒肉放題，睇到佢哋有好多個plan選擇，價錢越貴就越多食物可以選，因為本身唔食牛，所以揀咗Plan A, 只係豬肉和雞肉，另外仲有蔬菜，壽司，炸蝦。環境好大，坐得好舒服，有沙律吧，蔬菜好新鮮，飲品，茶包，甜品和雪條的選擇非常多。豬肉有三款選擇，雞肉只有雞髀肉或雞胸肉，可以選擇鹽味，辣味噌或燒肉醬調味，個人認為辣味噌係最好味。要留意返收費，門口個餐牌，優惠價錢係需要入會成為會員才會收優惠價錢。整體服務良好，要求換網都好快。