和光鐵板燒日本料理 (已結業)

坐落之後好快就有野食。因為我唔食牛既關係主力叫豬肉同海鮮。D帶子大隻到丫…香草蝦好好食，整得好有誠意。大部份野都腌得好好食之餘唔會無哂肉味。不過每樣一碟都真係食到唔郁得。去到記得叫齊幾款雞食，淨係雞有雞味都已經好難得。豬手都好正,不過要識得擺邊等佢烘熟同埋要成日睇住(我地燒燶咗半碟)相比起來鯖魚同鵝肝都無乜特別。食到中間有個叫阿傑既嚟收野，介紹我地食D生菜呀、清瓜豆腐清吓胃口。食完之後真係舒服好多。次次同佢地講完“唔該”都一定回番句「唔駛」真係無得頂。我地坐到最尾，D人走哂我地都未食完，佢地都走埋嚟話唔使急慢慢坐，然後好勤力執其他枱，無得頂!呢個價錢咁既食物水準同服務真係超值，以後唔去D乜鬼酒店自助餐1人大概$190, 我地俾小小tips每人$200蚊埋單。