影片
更多
2023-05-16
30 瀏覽
📍泰‧雅大角咀海庭道18號奧海城二期1樓大食代4號舖行開奧運，聽人講奧海城有個好大嘅foodcourt就去食下。Foodcourt有好多唔同菜式選擇，有日、韓、上海等，我哋就揀咗呢間泰國菜。聽其他食客講個場平時好多人，好彩我哋去嗰日輕鬆搵位～1️⃣燒豬頸肉泰國船麵 $48｜呢個最推薦！個河粉比起一般河粉粗好多，似陳村粉。幾煙靭，唔會一夾就斷，都有啲咬口。雖然望落去好似份量唔係好多，但其實都好夠飽。豬頸肉真係好正好爽口，而且食落去唔會成口油。唔錯！2️⃣海南雞飯 $65｜油飯有雞油味、香茅味，幾香～份量都好多，朋友笑稱分量夠地盤工人食飽。個泰式辣醬幾好食，酸酸辣辣，幾清新～3️⃣套餐升級 — 泰式豬頸肉沙律（小） $13｜豬頸肉都係好好食！沙律會有其他嘅蔬菜，佢呢個辣汁好似比起海南雞飯個泰式辣醬辣啲。第一啖係冇乜感覺嘅，但後勁強烈。4️⃣香芒椰汁糯米飯 $68｜啲芒果熟得啱啱好，又甜又酸、腍腍哋～糯米飯好有椰香！如果再行過奧海城都會再食多次燒豬頸肉泰國湯河！個口感幾特別～
大角咀海庭道18號奧海城二期1樓大食代4號舖
行開奧運，聽人講奧海城有個好大嘅foodcourt就去食下。Foodcourt有好多唔同菜式選擇，有日、韓、上海等，我哋就揀咗呢間泰國菜。聽其他食客講個場平時好多人，好彩我哋去嗰日輕鬆搵位～
1️⃣燒豬頸肉泰國船麵 $48｜呢個最推薦！個河粉比起一般河粉粗好多，似陳村粉。幾煙靭，唔會一夾就斷，都有啲咬口。雖然望落去好似份量唔係好多，但其實都好夠飽。豬頸肉真係好正好爽口，而且食落去唔會成口油。唔錯！
2️⃣海南雞飯 $65｜油飯有雞油味、香茅味，幾香～份量都好多，朋友笑稱分量夠地盤工人食飽。個泰式辣醬幾好食，酸酸辣辣，幾清新～
3️⃣套餐升級 — 泰式豬頸肉沙律（小） $13｜豬頸肉都係好好食！沙律會有其他嘅蔬菜，佢呢個辣汁好似比起海南雞飯個泰式辣醬辣啲。第一啖係冇乜感覺嘅，但後勁強烈。
4️⃣香芒椰汁糯米飯 $68｜啲芒果熟得啱啱好，又甜又酸、腍腍哋～糯米飯好有椰香！
如果再行過奧海城都會再食多次燒豬頸肉泰國湯河！個口感幾特別～
張貼
