榮少喇沙 (已結業)

自己一個周圍行，行到咁上下就搵嘢食，成日都想支持榮少好耐架啦，今日終於經過，可以一個人去食，正呀！好，坐低睇吓有咩好食先。之前見到榮少，都食喇沙做主打，我發現咗有個好新奇嘅野係芫荽湯底，其實我係唔食芫荽，但我想試下。叫咗海鮮芫荽魚湯米線，黎到見到係芫荽蓉，先飲一啖湯，岀奇地冇芫荽個種草腥味，好輕微嘅芫荽香，個湯底係魚湯，成個口感似忌廉波菜，稀薄版。58蚊仲要有蝦、帶子、魚蛋、魚片，米線軟硬適中，真心抵食。