影片
更多
2021-10-02
109 瀏覽
我本身自細就唔食得辣 一食親就會個頭好鬼痕所以咁多年嚟都冇乜點食 但朋友今次話呢一間 劉一手出名得嚟又真係好食 所以都叫做半推半就 陪朋友試下呢一間喺湯底嚟講 朋友為咗保險我唔會被辣死所以除咗必嗌嘅招牌 麻辣紅油湯底仲幫我叫咗個 皮蛋芫茜湯底雖然皮蛋芫茜唔係招牌 但睇得出好足料唔係求其俾個湯就算 再加上本身都係好味而我有少少驚嘅麻辣湯底 雖然朋友係叫中辣反而試咗之後 真係小小驚喜首先佢嘅中辣我都係勉強頂到但重點係佢係香辣 再帶少少麻感唔係坊間一般嗰隻普通死辣所以湯底嚟講 真係都幾出色因為我同朋友都係食肉獸所以主力都係叫肉類 另外再加多一個甜品首先想講下呢一個 醬油醃製豬肉片出面火鍋店 牛嘅質素數會好啲而豬肉通常都普遍一般麻麻但呢一間 再度令我有少少驚喜首先佢本身用醬油醃 拎上枱嘅時候已經感覺到嗰陣香味肉眼睇都都睇得出唔係超一般嘅肉肉嘅份量我都覺得好大塊的確係我喺出面食過 數一數二好食嘅豬肉片嚟到專食辣嘅火鍋店 冇理由唔點份 麻辣牛肉雖然我食得唔多 但都食咗三塊牛肉上面嘅香辣配料 係多到見唔到塊牛肉咁濟聞上去亦都係香香地嘅辣再配埋個麻辣湯底 食落去感覺係一種爽辣朋友就食得好爽好開心 但辣
我本身自細就唔食得辣
一食親就會個頭好鬼痕
所以咁多年嚟都冇乜點食
但朋友今次話呢一間 劉一手
出名得嚟又真係好食
所以都叫做半推半就 陪朋友試下呢一間
喺湯底嚟講 朋友為咗保險我唔會被辣死
所以除咗必嗌嘅招牌 麻辣紅油湯底
仲幫我叫咗個 皮蛋芫茜湯底
雖然皮蛋芫茜唔係招牌 但睇得出好足料
唔係求其俾個湯就算 再加上本身都係好味
而我有少少驚嘅麻辣湯底 雖然朋友係叫中辣
反而試咗之後 真係小小驚喜
首先佢嘅中辣我都係勉強頂到
但重點係佢係香辣 再帶少少麻感
唔係坊間一般嗰隻普通死辣
所以湯底嚟講 真係都幾出色
因為我同朋友都係食肉獸所以主力都係叫肉類 另外再加多一個甜品
首先想講下呢一個 醬油醃製豬肉片
出面火鍋店 牛嘅質素數會好啲
而豬肉通常都普遍一般麻麻
但呢一間 再度令我有少少驚喜
首先佢本身用醬油醃
拎上枱嘅時候已經感覺到嗰陣香味
肉眼睇都都睇得出唔係超一般嘅肉
肉嘅份量我都覺得好大塊
的確係我喺出面食過 數一數二好食嘅豬肉片
嚟到專食辣嘅火鍋店 冇理由唔點份 麻辣牛肉
雖然我食得唔多 但都食咗三塊
牛肉上面嘅香辣配料 係多到見唔到塊牛肉咁濟
聞上去亦都係香香地嘅辣
再配埋個麻辣湯底 食落去感覺係一種爽辣
朋友就食得好爽好開心
但辣度係我食完之後要飲幾啖水
跟住就係個重點 至尊A4和牛拼盤
個名話就話喺A4 其實當中包括
A4鹿兒島和牛三角及和牛肩
仲有 A5鹿兒島和牛西冷
一上枱 見到個賣相 見到啲油花
都知道一定係好好食 真係唔使問都知
自己唔係專業 淨係知道佢每一款都非常好食
平時食開嘅牛都係一小片一小片
但睇相你哋都會見到
其實佢每一片都係ok大塊
食落去個口感 會滿足到個口腔
最過份嘅係A5和牛西冷
佢直情係一塊超級大嘅俾你
從來都未試過咁大塊嘅牛肉片
食落去嗰下係完全填滿曬口腔
無論係個份量定係個味道
已經令我哋講唔出任何說話
真係非常好食
最尾就係食呢個四川傳統甜品 紅糖糍粑
好鍾意食糯米嗰種煙韌感
因為經過煎炸 外面係好香好脆
但內裏就非常之煙韌軟熟
再加埋紅糖嗰種甜甜地嘅味道
呢個一餐嘅收尾真係都幾唔錯
overall嚟講呢一餐 都係算係新奇嘅體驗
各樣食物都係都明顯食得出係非常有水準
如果你都係鍾意食辣嘅朋友
不妨去試下呢間 劉一手
張貼
