盔匠

營業中

休息中

噚日（9-9-2024 Mon）喺公司食完晏，要出去買雲耳，經過想試好耐嘅呢間，由於我已食咗飯，冇可能買燒餅食，但忍唔住想飲$44.00嘅開心果牛油果乳酪奶昔，咁我買杯請女同事SL飲啦，問佢要唔要$20.00嘅鴨屎檸檬茶，佢答好，但要少冰。買完等佢哋即刻整，睇住個男仔手搖嗰杯檸茶，然後女店主就拎杯開心果牛油果乳酪奶昔俾我，佢眼見我拎兩杯嘢，問我要唔要孖袋？我答要，佢就幫我入。拎到返公司，未影好相，SL就拎咗佢嗰杯，所以我只好影自己嗰杯，睇見有開心果碎同牛油果粒，飲落，乳酪嘅味酸提醒咗我呢杯係乳酪奶昔，開心果碎脆，飲到淡淡地嘅牛油果味，而佢嘅質地都夠杰身。鴨屎檸檬茶呢？我問SL覺得點？佢答好香好味，而且好大杯，相對抵飲。