翔壽司 (已結業)

翔壽司以前係立食壽司，好似呢幾年轉咗做坐低食，而且做埋午市套餐，吸引咗多啲人食。午市套餐價錢範圍好闊，加一後由80蚊到200蚊都有，加上壽司質素真係好唔錯，值得一食再食。*前菜沙律+麵豉湯沙律係滿滿嘅粟米粒+生菜+丘比特麻醬，就係你想像中嘅味道；麵豉湯夠熱而且唔會太鹹。*三文魚盛盒 $68 (5件三文魚壽司+辣三文魚手卷)三文魚+火炙三文魚+三文魚子+三文魚腩+火炙三文魚腩三文魚子新鮮，卜卜聲，而且一啲都唔腥。三文魚新鮮帶淡淡魚香，未到入口即溶但魚肉非常鬆化，但完全俾三文魚腩比下去。魚腩油脂多啲，所以更加香更加綿更加滑。壽司飯微暖，分明但唔鬆散，最緊要係唔會黐埋一pat。