影片
更多
2010-11-04
1297 瀏覽
開放式廚房望落都幾乾淨企理。為免搞到間串燒店煙霧瀰漫，店內既光線教到好暗。唔知係咪因為我地體型比較大隻，店內既枱櫈都好似好細張，d位真係好窄好唔舒服；坐喺吧枱食嗰d女仔重慘，要攬住個袋食飯。佢既抽氣同其他同類既店舖比可以話做得算好：我地走嗰陣時，衣物上既氣味都唔係太過份，還可以接受。食串燒其實最主要都係食個廚師既燒功同醃功。正因為食咁多熱氣同濃味既燒物，一間成功既串燒店應該提供多款解喝既飲品。真係幾可惜，佢既涷飲種類唔夠多之餘，開瓶費更高達$300/枝，酒店都好似冇咁誇囉。佢介紹既所謂之涷飲之一既＂梅乃宿抽子純米酒＂味道超級甜同超級酸外，重要唔夠涷，講真推介得幾失敗（$360/720ml）。師傅既燒功唔錯，燒得好夠乾身，食落唔會成口油，而且我地唔洗食d未煮熟或者燶左既食物。不過醃料方面就好似唔係好夠味。 鵝肝雞翼：$52/串；鵝肝釀喺雞翼入面，非常特別既組合。雖然唔係好夠咸，不過鵝肝食落冇平時咁溜，雞翼都冇咁肥，特色推介一。 雞皮蝦卷：$52/串；都係唔夠咸；唔講真係食唔出外層係雞皮，燒得好乾好脆；入面隻蝦就冇乜蝦味啦，平淡左少少。不妨一試推介二。 牛舌：$50/兩串；夠厚，咬落夠多汁
食串燒其實最主要都係食個廚師既燒功同醃功。正因為食咁多熱氣同濃味既燒物，一間成功既串燒店應該提供多款解喝既飲品。真係幾可惜，佢既涷飲種類唔夠多之餘，開瓶費更高達$300/枝，酒店都好似冇咁誇囉。
佢介紹既所謂之涷飲之一既＂梅乃宿抽子純米酒＂味道超級甜同超級酸外，重要唔夠涷，講真推介得幾失敗（$360/720ml）。
師傅既燒功唔錯，燒得好夠乾身，食落唔會成口油，而且我地唔洗食d未煮熟或者燶左既食物。不過醃料方面就好似唔係好夠味。
鵝肝雞翼：$52/串；鵝肝釀喺雞翼入面，非常特別既組合。雖然唔係好夠咸，不過鵝肝食落冇平時咁溜，雞翼都冇咁肥，特色推介一。
雞皮蝦卷：$52/串；都係唔夠咸；唔講真係食唔出外層係雞皮，燒得好乾好脆；入面隻蝦就冇乜蝦味啦，平淡左少少。不妨一試推介二。
牛舌：$50/兩串；夠厚，咬落夠多汁，不過就有少少燶同韌，只可以話過得去啦。
雞腎：$36/串；細細粒，全晚最入味既一款，爽口非常，爽口推介三。
雞皮：$36/兩串；單串叫個雞皮都重係燒得好夠脆，但係就比連蝦嗰串油同韌，而且好淡，不吃也吧。
燒豆腐：$28/兩串；最淡既一味，豆腐個皮燒得唔夠脆，而且入面重係涷既。唔洗試！
雞軟骨：$40/兩串；好乾好硬好韌，建議大家留返個quota食第二樣。
芝士年糕：$36/兩串；好意外地一d都唔溜，一d都唔黐牙；年糕既外層好似＂mochi＂咁煙煙韌韌；芝士餡熱辣辣，重流流地心，甜甜咸咸咁幾得意。得意推介四。
粟米：第一次就漏左單，第二次就等左成半粒鐘都唔係好夠熱，又唔甜，咁你話得唔得呀？
十串set： $198 包一碗白飯同一碗麵豉湯：一塌糊塗
雞頸肉：好脆，不過唔夠味。
露荀豬肉，紫蘇葉豬肉卷：豬肉又乾又嚡又韌又冇味，失敗。
雞肉丸：唔夠鬆，重好乾，sigh...
雞肉大蔥：雞肉嚡嚡地，唔夠juicy。
鵪鶉蛋，青椒，冬菇，銀杏：又乾又冇味。
南亭燒牛肉：雖然係熟左，不過肉係涷既，hmmm...代表雪藏，重未解涷夠，而且重要係腥既?!
散叫佢特式串燒就ok，不過想慳少少叫個set黎食就出哂事，因為用料唔夠新鮮，連調味料都唔捨得落。叫set時重要同一時間全部上哂，張枱冇位放之餘，哥哥姐姐仔重要企喺到等d客自己整理，咁你點收得加一服務費呀? 小弟勸喻大家最好唔好黎食午餐或者晚餐，要黎試都係happy hour 同宵夜黎食我推介嗰幾味，因為真係唔係好飽肚，同埋唔係好值得囉。
張貼
