中國會

營業中

休息中

自已term食開年飯，訂o左兩圍，雖然係公司錢，但心知係食地方及名氣，而且每人budget $150，大家都沒有抱什麼期望。先o黎頭盤點心春卷、山竹牛肉及豬利燒買，春卷無乜，勝在炸得夠脆、山竹牛肉與一般酒樓的沒有分別、燒買勁多肥膏，而豬利極腍身，沒有咬口。燒味併盤有叉燒、燒鵝、海蜇、乳豬及五香牛肉，當中以叉燒最好，燒鵝瘀瘀黑黑的、海蜇碎濕濕，不過味道算唔錯、食淨晒五香牛肉，就知有幾好味啦。雞蓉粟米羹-味道似罐頭湯囉。冬菇生菜-同一般酒樓的毛病，就是勁多茨汁。炸子雞-就算是食雞肉最嫩的部份，都是"鞋"的。黃金炒飯-有一粒粒橙色的蟹膏，初時大家都以為紅蘿蔔或者南瓜，一問之下原來是蟹膏，真是一丁點蟹膏鮮味也食不出。食炒得夠乾身，可惜飯身較硬。乾燒伊麵-唔多掂，一pat pat又好濕，加埋兩大碟生果併盤後，大家都唔夠飽，要3點3食個tea。