影片
更多
2012-10-19
1522 瀏覽
大前日(16-10-2012 Tue)晚,全家人去醫院探大哥,諗住走o既時候可以一齊食晚飯,點知大嫂o既妹妹話同佢食飯慶祝大嫂生日;二哥架車又泊都唔就腳,如果同我o地食完又要行返去攞車,爸爸就叫佢唔好同我o地食.所以最後都分成三批人,爸爸,我同男友就o黎呢o度食啦.由於爸爸之前o係醫院肚餓,佢就食o左啲人買畀大哥o既麵包;而男友o係等我o黎o既時候,都食o左碗細勇;我就因為都食o左啲杏仁而唔太餓.睇睇menu,鹽焗雞一隻都要$300.00,好貴呀!睇睇吓有6人套餐,再搵,睇到有個$398.00o既3-5人套餐,有半隻鹽焗雞, 梅菜扣肉, 客家釀豆腐, 清蒸鯇魚同胡椒白果豬肚湯.爸爸又另叫三個白飯.落o左單,男侍應問我o地要唔要菜,因為個餐冇菜.爸爸竟然問有咩o野菜?然後要個蒜蓉炒菜心.邊食得晒呀?5. 胡椒白果豬肚湯白雪雪,好重白果味,胡椒o既辣係o係喉嚨,但又唔係好辣,感覺好正,豬肚夠腍,冇腥臭.味道: 5分2. 梅菜扣肉梅菜唔係好香,扣肉肥o既部份都唔多,不過啲肉唔腍,冇入口即融o既感覺,味道亦唔夠濃.冇諗到醉瓊樓會做得咁差.味道: 1.5分1.半隻鹽焗雞味道食得出唔係鹽水雞,夠味
所以最後都分成三批人,爸爸,我同男友就o黎呢o度食啦.由於爸爸之前o係醫院肚餓,佢就食o左啲人買畀大哥o既麵包;而男友o係等我o黎o既時候,都食o左碗細勇;我就因為都食o左啲杏仁而唔太餓.
睇睇menu,鹽焗雞一隻都要$300.00,好貴呀!睇睇吓有6人套餐,再搵,睇到有個$398.00o既3-5人套餐,有半隻鹽焗雞, 梅菜扣肉, 客家釀豆腐, 清蒸鯇魚同胡椒白果豬肚湯.爸爸又另叫三個白飯.落o左單,男侍應問我o地要唔要菜,因為個餐冇菜.爸爸竟然問有咩o野菜?然後要個蒜蓉炒菜心.邊食得晒呀?
5. 胡椒白果豬肚湯
白雪雪,好重白果味,胡椒o既辣係o係喉嚨,但又唔係好辣,感覺好正,豬肚夠腍,冇腥臭.味道: 5分
2. 梅菜扣肉
梅菜唔係好香,扣肉肥o既部份都唔多,不過啲肉唔腍,冇入口即融o既感覺,
味道亦唔夠濃.冇諗到醉瓊樓會做得咁差.味道: 1.5分
1.半隻鹽焗雞
味道食得出唔係鹽水雞,夠味,但可惜好似煮耐o左,啲肉又實又o鞋.味道: 4分
6. 另加o既蒜蓉炒菜心
一睇就知道油,菜心係大大棵o個隻,諗住會有渣,但又唔係,又甜又嫩,唔錯.味道: 5分
3.客家釀豆腐
豆腐大大件,餡就好少,呢個普通冇問題.味道: 3分
4.清蒸鯇魚
大大條,算蒸得o岩o岩好,爸爸讚好食.味道: 3分
最後到白飯,白飯有啲粗糙,好彩水份都叫做夠,未至於太硬.
味道: 2.5分
7. 送o既甜品
好似有綠豆,麥米咁,味道唔甜,都係普通.
味道: 2.5分我o地食剩兩碗飯,梅菜扣肉, 客家釀豆腐同清蒸鯇魚,有吉飯盒o係身o既的,就裝起佢翌日帶返公司食,而梅菜扣肉同兩件客家釀豆腐就拎返屋企.
環境:
保留52年o既裝潢冇問題,不過冷氣好似唔多夠.
呢餐埋單連茶芥加一共$539.00,好貴.
題外話/補充資料：
7,80年代醉瓊樓遍地開花,但逐漸萎縮,o衣o家剩返o既質素又麻麻,真係驚醉瓊樓呢三個字o係香港完全消失.
(以上食評乃用戶個人意見 , 並不代表OpenRice之觀點。)
張貼
