一寿司 (已結業)

今日去咗旺角，行到六點本來想同朋友上雅蘭飲杯野，但大家見到一壽司，見到雜誌成日吹棒有幾勁、有幾抵、有幾多人排隊，不過排隊人龍限於晚上10:00後的半價時段，大家見原價價錢都可以接受，又唔駛等位喎，於是入去試一試！入到去，環境最吸引當然係個大魚缸，其實我好鍾意望住魚缸嚟食，會食得好開心，可惜安排唔到！我哋坐嘅係bar檯，椅子好大，好舒服，比一般連鎖壽司店檯子坐得舒服！店員服務亦都不錯，密密為客人添茶！我哋2人食咁唔係太多碟，每碟嘅壽司飯比一般壽司店為細嘅，這點我反而欣賞，因為嚿飯太大的話，幾碟就好快飽肚，魚生都係一般啦，唔係話好鮮味，不過不失咁，炸物卷都唔錯，炸物唔會係凍冰冰。最後大家點了兩杯飲品，本來見佢唔平，成30-40蚊一杯，不過賣相(餐牌)好吸引，所以我點了一杯芒果特飲(有酒精)，朋友點了一杯熱情(冇酒精)，好好味，不過就略甜，朋友果杯好快飲完，反而自己果杯有酒精關係，飲到一半我已紅晒臉，所以要投降了！今餐消費：8碟壽司+兩杯飲品=$230