峰壽司 (已結業)

星期二放假同fd 出血後，又要食番d好野補充下。以前去過白沙道總店一次，要等成個半鐘先有得食，今次可能係weekday關係，而且6點幾其他人仲未放工，唔駛排隊立即有位。鵝肝壽司-好好味，好嫩又冇根，燒得剛好，一件唔夠喉，之後再encore多次，不過塊鵝肝就細o左好多。軟殼蟹手卷-20蚊一件，真係好抵，而且少飯、蟹大，蟹又炸得酥脆，我o地每人又encore多一次。另外，特大海鰻、軟殼蟹卷、加州卷、三文魚壽司都唔錯。吞拿魚刺身-味道一般，35蚊一客，所以沒有太高要求。牡丹蝦壽司-蝦身唔夠通透，而且蝦肉略韌，證明唔夠新鮮。唔知是否肚餓關係，覺得好過第一次。